Мусхаф, бит 604
-
قُلْ هُوَ اللَّهُ أَحَدٌ
Әйт: әй Мухәммәд: "Ул – Аллаһ һич, тиңдәше вә охшашы булмаган ялгыз бер генә Аллаһудыр.
112:1 -
اللَّهُ الصَّمَدُ
Һичнәрсәгә, һичбер мәхлукка ихтыяҗы юк бәлки һәр мәхлукның хаҗәтен үтәүче Аллаһудыр.
112:2 -
لَمْ يَلِدْ وَلَمْ يُولَدْ
Ул һичкемне тудырмады һәм һичкемнән тудырылмады.
112:3 -
وَلَمْ يَكُنْ لَهُ كُفُوًا أَحَدٌ
Вә һичкем Аңа тиң булмады. (Мөшрикләргә ошбу сүрәне укып төшендерергә кирәк!)
112:4 -
قُلْ أَعُوذُ بِرَبِّ الْفَلَقِ
Әйт, әй Мухәммәд, "Мин сыенамын таңның Раббысы Аллаһу тагаләгә күренеп вә күренмичә килә торган һәртөрле зарарлардан.
113:1 -
مِنْ شَرِّ مَا خَلَقَ
Бар кылынган, яратылган һәр мәхлукның нинди булса да зарарыннан.
113:2 -
وَمِنْ شَرِّ غَاسِقٍ إِذَا وَقَبَ
Вә караңгы төннең зарарыннан сыгынамын, һәркайчан караңгылыгы белән җир өстен капласа.
113:3 -
وَمِنْ شَرِّ النَّفَّاثَاتِ فِي الْعُقَدِ
Дәхи сихыр – ырым төеннәренә төкерүче өрүче сихерче хатыннар явызлыгыннан, зарарыннан сыгынамын.
113:4 -
وَمِنْ شَرِّ حَاسِدٍ إِذَا حَسَدَ
Һәм көнче дошманның авызлыкларыннан, зарарларыннан сыенамын, һәркайчан ул көнчелек ачуы белән зарар тидерергә теләсә.
113:5 -
قُلْ أَعُوذُ بِرَبِّ النَّاسِ
Әйт: "Кешеләрнең Раббысы булган Аллаһуга сыгынамын.
114:1 -
مَلِكِ النَّاسِ
Кешеләрнең патшасы булган Аллаһуга сыгынамын.
114:2 -
إِلَٰهِ النَّاسِ
Кешеләрнең гыйбадәт кыла торган Илаһәсе булган Аллаһуга сыгынамын.
114:3 -
مِنْ شَرِّ الْوَسْوَاسِ الْخَنَّاسِ
Чигенә-чигенә сәваблы эштән тыеп, гөнаһлы эшкә өндәп вәсвәсә кылучы ханнәснең зарарыннан.
114:4 -
الَّذِي يُوَسْوِسُ فِي صُدُورِ النَّاسِ
Ул ханнәс кешеләрнең күңеленә явызлыкны саладыр.
114:5 -
مِنَ الْجِنَّةِ وَالنَّاسِ
Ул ханнәс җеннәрдән дә һәм кешеләрдән дә бардыр. (Ягъни җеннәрнең һәм адәмнәрнең яманлыкларыннан явызлыкларыннан сыенамын. Зарар теләүчеләрнең зарарыннан һәрвакыт Аллаһуга сыенып йөрү – һәр мөселманга ляземдер.)
114:6
Тәрҗемә: Йакуб ибн Нугман